Bikarúrslitaleikur 2. flokks á þriðjudag kl. 19:00

Þriðjudaginn 27. september leika Haukar/Markaregn og Keflavík til úrslita í Valitor-bikar 2. flokks karla.  Leikurinn fer fram á Ásvöllum í Hafnarfirði og hefst kl. 19:00.

Í 1. umferð keppninnar vann Keflavík lið Fram 3-2 og í 16 liða úrslitum bar okkar lið sigurorð af Fylki, 4-1.  Í 8 liða úrslitunum var leikið gegn Völsungi og þar vann Keflavík 3-0 og liðið sigraði síðan lið Breiðabliks/Augnabliks 4-3 í undanúrslitum keppninnar.