Hamborgarar, hamborgarar!  Allir stuðningsmenn eru velkomnir í félagsheimilið í Íþróttahúsinu fyrir  leiki í sumar en þar verður opnað klukkutíma fyrir hvern leik.  Ekki þarf að skrá sig í neina klúbba eða slíkt en í staðinn verður opið fyrir alla sem vilja mæta og spjalla.  Það er upplagt fyrir alla fjölskylduna að mæta en boðið verður upp á grillaða hamborgara og gos á góðu verði.  

Kristján þjálfari mætir um 40 mínútum fyrir leik og segir nokkur vel valin orð og jafnvel verður boðið upp á einhverjar óvæntar uppákomur í sumar.

Í tilefni þess að við erum að minnast fyrsta Íslandsmeistaratitilsins á þessu ári verður öllum stuðningsmönnum Keflavíkur sem eru fæddir 1964 og verða fimmtugir á árinu boðið upp á hamborgara og Coke fyrir leik okkar við Breiðablik n.k. mánudag.  Athugið að húsið opnar kl. 18.00 og kveikt verður í grillinu á sama tíma.

Myndin með fréttinni er fengin að láni hjá Víkurfréttum.