FH - Keflavík á mánudag kl. 19:15

Þá er komið að stóru stundinni og okkar lið hefur keppni í Pepsi-deildinni þetta sumarið með útileik gegn Íslandsmeisturum FH mánudaginn 6. maí.  Leikurinn hefst kl. 19:15 á Kaplakrikavelli.  Dómari leiksins verður Þóroddur Hjaltalín og aðstoðardómarar þeir Áskell Þór Gíslason og Sverrir Gunnar Pálmason.  Ólafur Ragnarsson er svo eftirlitsmaður KSÍ.

Keflavík og FH hafa leikið 46 leiki í efstu deild, þann fyrsta árið 1975.  Keflavík hefur unnið 10 leiki, FH hefur unnið 21 leik en jafntefli hefur orðið í 15 leikjum.  Markatalan er 60-77, FH-ingum í vil.  Stærsti sigur Keflavíkur í leikjum liðanna er 6-1 sigur árið 1976 en stærsta tap gegn FH kom árið 1993 þegar FH vann 5-1 í Hafnarfirði.  Mesti markaleikur liðanna var á Kaplakrikavelli árið 2010 þegar FH vann 5-3.  Þrír leikmenn sem nú eru í leikmannahópi Keflavíkur hafa skorað gegn FH í efstu deild; Magnús Þorsteinsson hefur skorað fimm mörk og Arnór Ingvi Traustason og Jóhann B. Guðmundsson hafa gert eitt mark hvor.

Liðin hafa einnig mæst tíu sinnum í bikarkeppni KSÍ, fyrst árið 1972 en síðast árið 2010. Keflavík hefur  unnið fimm leiki en FH fjóra og einum lauk með jafntefli.  Markatalan er 15-10 fyrir Keflavík.  Haraldur Freyr Guðmundsson hefur gert eitt bikarmark gegn FH-ingum.

Liðin léku tvívegis í Pepsi-deildinni síðasta sumar.  Fyrri leik liðanna á Nettó-vellinum lauk með 4-2 sigri FH.  Guðmundur Steinarsson og Arnór Ingvi Traustason skoruðu mörk Keflavíkur en Atli Viðar Björnsson, Guðjón Árni Antoníusson, Hólmar Örn Rúnarsson og Atli Guðnason gerðu mörk FH.  FH-ingar unnu seinni leiknn 3-0 á heimavelli sínum þar sem Atli Guðnason og Viktir Örn Guðmundsson gerðu sitt hvort markið en okkar menn gerðu einnig sjálfsmark.

Nokkur tengsl hafa verið milli Keflavíkur og FH í gegnum árin og nú leika tveir fyrrverandi leikmenn okkar með FH-ingum, þeir Hólmar Örn Rúnarsson og Guðjón Árni Antoníusson.  Þess má geta að Albert Guðmundsson og sonur hans Ingi Björn þjálfuðu bæði liðin á sínum tíma.  Meðal annarra leikmanna sem hafa leikið fyrir bæði liðin eru Gunnleifur Gunnleifsson, Alen Sutej, Þorsteinn Bjarnason, Jón Þorgrímur Stefánsson, Kristján Hilmarsson, Valþór Sigþórsson og bræðurnir Daníel og Grétar Einarssynir.

Úrslit í leikjum FH og Keflavíkur í Hafnarfirði hafa orðið þessi undanfarin ár: