Fjölnir - Keflavík á miðvikudag kl. 19:15

Það er skammt stórra högga á milli í Pepsi-deildinni og nú er komið að útileik gegn Fjölni.  Leikurinn verður á Fjölnisvelli miðvikudaginn 20. maí kl. 19:15.  Fyrir leikinn er Keflavík í 11. sæti deildarinnar með eitt stig en Fjölnir er í 5.-9. sæti með fjögur.  Mótið er auðvitað rétt að byrja en liðin vilja að sjálfsögðu krækja í stigin sem eru í boði og styrkja stöðu sína í deildinni.

Dómararnir
Dómari leiksins verður Valgeir Valgeirsson, aðstoðardómarar þeir Birkir Sigurðarson og Gunnar Helgason og eftirlitsmaður KSÍ er Þórður Ingi Guðjónsson.

Stuðullinn

Getraunanúmer Keflavíkur er 230.

Efsta deild
Keflavík og Fjölnir hafa leikið sex leiki í efstu deild en sá fyrsti kom ekki fyrr en árið 2008.  Keflavík hefur unnið tvo leikjanna og Fjölnir einn en þremur leikjum hefur lokið með jafntefli.  Markatalan er 11-9 fyrir Keflavík. 

Liðin hafa þrisvar leikið á heimavelli Fjölnis í deildinni.  Keflavík vann fyrsta leikinn en síðan hafa liðin gert tvö jafntefli.  Markatalan í leikjum liðanna á Fjölnisvelli er 6-5, Keflavík í vil.

Fjórir leikmenn sem nú eru í  leikmannahópi okkar hafa skorað gegn Fjölni, Jóhann Birnir Guðmundsson og Magnús Þorsteinsson hafa skorað tvö mörk og Hörður Sveinsson og Magnús Þórir Matthíasson eitt mark hvor.

Alls hafa átta leikmenn skorað fyrir Keflavík gegn Fjölní efstu deild, Jóhann Birnir Guðmundsson, Magnús Þorsteinsson og Guðmundur Steinarsson hafa skorað tvö mörk hver og Hörður Sveinsson, Magnús Þórir Matthíasson, Haukur Ingi Guðnason, Símun Samuelsen og Jón Gunnar Eysteinsson hafa gert eitt mark.

Bikarkeppnin
Liðin hafa einu sinni mæst í bikarkeppninni en það var árið 2005.  Liðin mættust þá í 32 liða úrslitum á Fjölnisvelli og vann Keflavík nauman 4-3 sigur.  Guðmundur Steinarsson skoraði tvö mörk og þeir Hólmar Örn Rúnarsson og Stefán Örn Arnarson eitt hvor.  Atli Guðnason skoraði tvö marka Fjölnis og Tómas Leifsson eitt.

Síðast
Liðin mættust að sjálfsögðu tvisvar í Pepsi-deildinni síðasta sumar.  Fyrri leiknum á Nettó-vellinum lauk með 1-1 jafntefli þar sem Hörður Sveinsson kom Keflavík yfir en Christopher Paul Tsonis jafnaði fyrir Fjölni.  Sömu úrslit urðu í seinni leiknum á heimavelli Fjölnis, Jóhann Birnir Guðmundsson gerði mark Keflavíkur en Þórir Guðjónsson skoraði fyrir heimamenn.

Síðustu leikir
Úrslit í leikjum Fjölnis og Keflavíkur á heimavelli Fjölnis hafa orðið þessi: