Flugeldasala Knattspyrnudeildar á Iðavöllum

Flugeldasala Knattspyrnudeildar Keflavíkur opnar í dag, miðvikudaginn 28. desember, og í tilefni dagsins verður 20% opnunarafsláttur af öllum vörum.  Flugeldasalan er á Iðavöllum 7 og að þessu sinni er boðið upp á mikið af nýjum vörum en í ár flytur deildin í fyrsta sinn alla flugelda inn sjálf.  Opið verður kl. 10:00-22:00 og kl. 10:00-16:00 á gamlársdag.  Það er svo að sjálfsögðu mikið úrvalsfólk sem sér um afgreiðslu og ráðleggur viðskiptavinum um kaup á réttu græjunum.

Það þarf ekki að taka fram að flugeldasalan er mikilvægur liður í fjáröflun Knattspyrnudeildar og hefur verið það undanfarin 25 ár.  Við vonumst til að sjá sem flesta þar og treystum á íbúa Reykjanesbæjar að styðja vel við bakið á deildinni eins og undanfarin ár.