Fótbolti.net-mótið hefst á laugardag

Fótbolti.net-mótið hefst á laugardag og þá leika okkar menn gegn Blikum.  Leikurinn verður í Reykjaneshöllinni og hefst kl. 10:00 árdegis.  Áfram verður leikið næstu tvo laugardaga og við spilum gegn FH í Reykjaneshöllinni þann 21. janúar og á móti ÍA í Akraneshöllinni laugardaginn 28.  Efsta lið riðilsins leikur svo til úrslita í mótinu gegn sigurliði B-riðils, liðin í 2. sæti riðlanna leika um 3. sætið o.s.frv.  Ekki má gleyma að Keflavík á titil að verja en liðið vann mótið á síðasta ári.