Frá Aðalfundi

Aðalfundur Knattspyrnudeildar var haldinn 28. janúar og var nokkuð vel mætt.  Jón G. Benediktsson var einn í kjöri til formanns en tvær breytingar urðu á stjórn deildarinnar.  Hjördís Baldursdóttir og Ólafur Birgir Bjarnason gengu úr stjórninni og voru þeim þökkuð vel unnin störf í þágu deildarinnar.  Þeir Margeir Vilhjálmsson og Kristján Jóhannsson komu inn í varastjórn í stað Hjördísar og Ólafs.

Á fundinum kom fram að rekstur Knattspyrnudeildar er í góðu jafnvægi og hefur deildin verið rekin réttu megin við núllið.  Að neðan má sjá stjórn deildarinnar eins og hún er nú skipuð.