Frans framlengir

Frans Elvarsson hefur skrifað undir nýjan tveggja ára samning við Keflavík og verður því áfram í okkar herbúðum næsta tímabil.  Þetta eru góðar fréttir enda var Frans öflugur í okkar liði eftir að hann tryggði sér sæti í byrjunarliðinu seinni hluta sumars.

Frans er 24 ára gamall miðvallarleikmaður en hann er frá Hornafirði og hóf ferilinn þar með Sindra.  Hann gekk síðan til liðs við Njarðvík en hefur leikið með Keflavík frá 2011.  Frans á að baki 62 leiki fyrir Keflavík í efstu deild og hefur skorað í þeim sjö mörk.  Hann hefur einnig leikið átta bikarleiki og skorað eitt mark.  Frans lék á sínum tíma með U-17 og U-19 ára landsliðum Íslands.