Grillum kl. 17:00 - Mætum í svörtu

Eins og venjulega verður spjall og grill í félagsheimilinu okkar fyrir leikinn gegn ÍBV á miðvikudag.  Við minnum á að kveikt verður upp í grillinu kl. 17:00 að þessu sinni enda byrjar leikurinn kl. 18:00 á Nettó-vellinum.

Það er upplagt að kíkja við í félagsheimilinu og skella í sig hamborgara og upplifa stemmninguna þar fyrir leik.  Kristján þjálfari mætir eins og venjulega og spjallar um leikinn við gesti.

Eins og áður hefur komið fram hefur Keflavíkurbúningurinn vakið mikla athygli í sumar og hafa stuðningsmenn verið duglegir við að kaupa sér nýju treyjuna.  Við hvetjum þá til að mæta í Keflavíkurtreyjunni á leikinn og skapa skemmtilega stemmningu á vellinum.

Áfram Keflavík!