Grindavík - Keflavík á fimmtudag kl. 19:15

Grindavík og Keflavík leika í 2. umferð Pepsi-deildarinnar fimmtudaginn 10. maí.  Leikurinn fer fram á Grindavíkurvelli og hefst kl. 19:15.  Bæði lið byrjuðu mótið með jafntefli í fyrstu umferðinni og vilja væntanlega krækja í fyrsta sigur sumarsins.  Og það þarf ekki að taka fram að það er alltaf mikið fjör þegar þessi nágrannalið mætast.  Dómari leiksins verður Vilhjálmur Alvar Þórarinsson og aðstoðardómarar hans Áskell Þór Gíslason og Sverrir Gunnar Pálmason en Þórður Georg Lárusson er eftirlitsmaður KSÍ. 

Keflavík og Grindavík hafa mæst 30 sinnum efstu deild, fyrst árið 1995.  Það er nokkuð jafnt á komið með liðunum í innbyrðis leikjum þeirra; Keflavík hefur unnið 13 leiki og Grindavík 10 en sjö sinnum hefur orðið jafntefli.  Markatalan er 44-38 fyrir Keflavík.  Stærsti sigur Grindavíkur var 4-0 sigur á Grindavíkurvelli árið 1996 en stærstu sigrar Keflavíkur er 3-0 heimasigur árið 1998 og 4-1 sigur í Grindavík árið 2002.  Mesti markaleikur liðanna kom árið 2004 þegar Grindavík vann 4-3.  Fjórir leikmenn í leikmannahópi Keflavíkur hafa skorað gegn Grindavík í efstu deild.  Guðmundur Steinarsson hefur skorað tíu mörk, Jóhann B. Guðmundsson fimm, Magnús Þorsteinsson þrjú og Haraldur Freyr Guðmundsson eitt mark.

Liðin hafa aðeins einu sinni mæst í bikarkeppninni en það var árið 1991.  Keflavík vann þá á Keflavíkurvelli þegar Óli Þór Magnússon skoraði eina mark leiksins.

Keflavík og Grindavík léku 6 leiki í B-deildinni á árunum 1990-1992.  Keflavík vann fjóra leikjanna en Grindavík einn og jafntefli varð í einum leik.  Markatalan í leikjunum er 13-9 fyrir Keflavík.

Liðin léku tvo leiki í Pepsi-deildinni síðasta sumar eins og lög gera ráð fyrir.  Fyrri leiknum á Grindavíkurvelli lauk með sigri  Keflavíkur þar sem Andri Steinn Birgisson og Guðmundur Steinarsson skoruðu í 2-0 leik.  Grindvíkingar unnu hins vegar seinni leikinn í Keflavík 2-1 þar sem Guðmundur skoraði aftur fyrir Keflavík en Orri Freyr Hjaltalín og Óli Baldur Bjarnason gerðu mörk Grindvíkinga.

Það hefur verið þó nokkur samgangur milli Keflavíkur og Grindavíkur í gegnum árin enda ekki langt að fara.  Milan Stefán Jankovic hefur þjálfað bæði lið og í gegnum árin hafa m.a. Andri Steinn Birgisson, Grétar Hjartarson, Paul McShane, Kristinn Jóhannsson, Hjálmar Hallgrímsson, Þorsteinn Bjarnason og Eysteinn Hauksson leikið með báðum félögunum. Okkar ágæti þjálfari, Zoran Daníel Ljubicic, var einnig leikmaður beggja þessara liða á sínum ferli.  Í ár er einn leikmaður í hvoru liði sem hefur leikið með þeim báðum en það er Magnús Sverrir Þorsteinsson í okkar liði og Scott Ramsay í liði Grindavíkur.

Úrslit í leikjum Grindavíkur og Keflavíkur á heimavelli Grindavíkur hafa orðið þessi: