Grindavík - Keflavík á laugardag kl. 10:00

Á laugardaginn er komið að síðasta leiknum í riðlakeppni Fótbolti.net-mótsins en þá koma Grindvíkingar í heimsókn.  Leikurinn verður í Reykjaneshöllinni kl. 10:00.  Dómari leiksins verður Gunnar Sverrir Gunnarsson og aðstoðardómarar Haukur Erlingsson og Gunnar Helgason.  Síðasta umferðin í riðlinum ætti að verða spennandi enda eru liðin fjögur í riðlinum jöfn með þrjú stig hvert.  Okkar menn töpuðu fyrir Breiðablik í fyrsta leik sínum í mótinu en unnu síðan FH.

Keflavík leikur í A-riðli mótsins ásamt Breiðablik, FH og Grindavík.  Efsta liðið í riðlinum leikur síðan til úrslita í mótinu við efsta liðið í B-riðlinum og önnur lið leika um sæti.

Leikirnir um 5. og 7. sætið fara fram föstudaginn 31. janúar en leikurinn um 3. sætið og úrslitaleikur mótsins verða laugardaginn 1. febrúar.