Heimaleikur gegn Hamri í bikarnum

Í dag var dregið í 16 liða úrslit Borgunarbikarsins og þá fáum við Hamar frá Hveragerði í heimsókn.  Leikurinn verður á Nettó-vellinum í Keflavík fimmtudaginn 19. júní kl. 19:15.

Hamar leikur í 3. deildinni í sumar.  Liðið vann Snæfell í 1. umferð keppninnar, KFR í 2. umferð og KF í 32 liða úrslitum en leikirnir voru allir á heimavelli Hamars.  Keflavík vann Augnablik í 32 liða úrslitunum.

Þetta verður í fyrsta skipti sem Keflavík og Hamar leika í bikarkeppninni.