Heimaleikur gegn Víkingi í bikarnum

Það verða Víkingar sem verða andstæðingar okkar í undanúrslitum Borgunarbikarsins.  Leikurinn fer fram á Nettó-vellinum miðvikudaginn 30. júlí kl. 19:15.  Í hinum undanúrslitaleiknum mætast ÍBV og KR og liðin sem hafa betur í þessum viðureignum mætast svo í úrslitaleik keppninnar á Laugardalsvelli 16. ágúst.

Keflavík og Víkingur hafa þrisvar áður mæst í bikarkeppninni og hefur Keflavík unnið alla leikina.  Liðin mættust fyrst í 8 liða úrslitum árið 1975 og þá vann Keflavík 2-0.  Næst léku liðin í 16 liða úrslitum árið 1981 og þá vann Keflavík 4-1 sigur.  Liðin léku svo í undanúrslitum keppninnar árið 2006 og sá leikur vannst 4-0.