Hnátumót KSÍ í Keflavík á miðvikudag

Úrslitakeppni A- og B-liða í SV-riðli Hnátumóta KSÍ fer fram í Keflavík miðvikudaginn 28. ágúst en í Hnátumótunum leika 6. flokkar kvenna.  Hjá A-liðum keppa Breiðablik, Víkingur, Stjarnan, Selfoss, Fylkir, KR, Keflavík og Þróttur og í flokki B-liða leika Breiðablik, Stjarnan, Haukar, Selfoss, Valur, FH 2, Keflavík og KR. 

Við hvetjum fólk til að kíkja við á vellinum og fylgjast með stelpunum spila.  Keppnin byrjar kl. 15:00 en upplýsingar um leikjaniðurröðun má sjá á vef KSÍ, leiki Keflavíkur má sjá á forsíðu heimsíðunnar undir „Næstu leikir".