ÍA - Keflavík á mánudag kl. 19:15

ÍA og Keflavík mætast í 8. umferð Pepsi-deildarinnar á mánudag.  Leikurinn hefst kl. 19:15 á Norðuráls-vellinum á Akranesi.  Bæði lið berjast í neðri hluta deildarinnar,  Keflavík er í 9. sætinu með fjögur stig og Skagamenn eru einu sæti neðar með þrjú stig.  Ekki má gleyma að bæði lið mæta til leiks með nýja þjáfara við stjórnvölinn en Kristján Guðmundsson stýrir Keflavikurliðinu í fyrsta sinn eftir að hafa tekið við stjórn þess í vikunni.  Dómari leiksins verður Þóroddur Hjaltalín, aðstoðardómarar hans verða Jóhann Gunnar Guðmundsson og Óli Njáll Ingólfsson og Þórður Ingi Guðjónsson er eftirlitsmaður KSÍ.
 
Keflavík og ÍA hafa mæst 87 sinnum í efstu deild og hafa Skagamenn talsverða yfirburði í viðureignum liðanna.  Liðin mættust fyrst árið 1958 þegar við lékum fyrst í efstu deild.  Akranes vann þann leik 5-1 en Högni Gunnlaugsson skoraði mark Keflavíkur.  Alls hefur ÍA sigrað í 48 leikjum, 12 sinnum hefur orðið jafntefli en Keflavík hefur unnið 27 leiki.  Markatalan er 108-182, Skagamönnum í vil.  Stærstu sigrar Keflavíkur í leikjum liðanna eru 4-1 sigrar 1973 og 2008 en stærsta tapið var 0-9 tap árið 1959 en það er stærsta tap Keflavíkur í efstu deild.  Fjórir leikmenn í leikmannahópi Keflavíkur hafa skorað gegn ÍA í efstu deild; Jóhann Birnir Guðmundsson hefur skorað tvö mörk og Arnór Ingvi Traustason, Hörður Sveinsson og Magnús Þorsteinsson eitt mark hver.

Liðin mættust tvisvar í næstefstu deild en það var árið 1991.  Skagamenn unnu báða leikina og markatalan var 1-6.

Keflavík og ÍA hafa leikið 13 leiki í bikarkeppninni, fyrst árið 1960 og síðast árið 2006.  Keflavík hefur unnið 5 leikjanna en ÍA 7 en einum lauk með jafntefli.  Markatalan er 16-19 fyrir ÍA.

Liðin léku tvisvar í deildinni síðasta sumar og vann ÍA báða leikina með markatölunni 3-2.  Á Akranesi skoruðu Guðmundur Steinarsson og Arnór Ingvi Traustason fyrir Keflavík en Gary Martin, Ólafur Valur Valdimarsson og Garðar B. Gunnlaugsson fyrir ÍA.  Seinni leikurinn fór fram á Nettó-vellinum og þar skoraði Jóhann Birnir Guðmundsson bæði mörk okkar en Dean Martin, Einar Logi Einarsson og Jóhannes Karl Guðjónsson gerða mörk gestanna.

Í gegnum árin hafa nokkir leikmenn leikið með báðum þessum liðum og má þar nefna Bjarna Sigurðsson, Kristján Jóhannsson og Bjarka Freyr Guðmundsson.

Úrslit í leikjum ÍA og Keflavíkur á Akranesi hafa orðið þessi í efstu deild undanfarin ár: