Jóhann til liðs við Keflavík

Jóhann D. Bianco hefur samið við Keflavík og verður í okkar herbúðum í sumar.  Hann er kannski þekktari sem Joey Drummer en hann mun reyndar ekki spila með Keflavík.  Joey hefur hins vegar tekið að sér að leika tónlist og vera kynnir á leikjum meistaraflokks karla í sumar.

Það þekkja auðvitað allir Drummerinn sem hefur verið einn af öflugustu stuðningsmönnum Keflavíkurliðsins undanfarin ár og farið fyrir Puma-sveitinni.

Oddur Gunnarsson sem haldið hefur utan um míkrafóninn undanfarin ár hefur dregið sig í hlé þar sem hann er á leið í nám til Englands.

Um leið og við þökkum Oddi fyrir samstarfið og hans framlag bjóðum við Jóhann D. velkominn til starfa.