Keflavík - Álftanes á miðvikudag kl. 20:00

Miðvikudaginn 1. ágúst mætast Keflavík og Álftanes í 1. deild kvenna.  Liðin leika á Nettó-vellinum í Keflavík og hefja leik kl. 20:00.  Fyrir leikinn er Keflavík í 6. sæti riðilsins með 11 stig en Álftnesingar eru í neðsta sætínu með þrjú stig.  Dómari leiksins verður Egill Örn Þórarinsson og aðstoðardómararar þeir Eðvarð Atli Bjarnason og Sigurpáll Viggó Snorrason.

Keflavík og Álftanes hafa leikið í sama riðli í 1. deildinni undanfarin tvö ár og áður árið 2004 þegar Álftnesingar sendu fyrst lið til leiks.  Liðin hafa leikið átta leiki og hefur Keflavík unnið þá alla.  Fyrsta árið sáust stórar tölur í leikjum þessar liða en þær hafa farið snarlækkandi undanfarin ár.

Liðin mættust fyrr í sumar í deildinni og þá á heimavelli Álftnesinga.  Keflavík vann 2-0 og það voru Karitas Ingimarsdóttir og Fanney Kristinsdóttir sem gerðu mörkin.