Keflavík - Breiðablik á miðvikudag kl. 19:00

Keflavík og Breiðablik leika í 8 liða úrslitum Lengjubikars karla miðvikudaginn 18. apríl.  Leikurinn verður í Reykjaneshöllinni og hefst kl. 19:00.  Dómari leiksins verður Þorvaldur Árnason, aðstoðardómarar hans þeir Andri Vigfússon og Ívar Orri Kristjánsson og eftirlitsmaður KSÍ er Eiríkur Helgason.

Keflavík vann sinn riðil í riðlakeppninni en Blikar urðu í 3. sæti í sínum riðli.  Liðið sem sigrar í þessum leik mætir FH eða KR í undanúrslitum.  Undanúrslitaleikirnir fara fram mánudaginn 23. apríl.