Keflavík - FH á fimmtudag kl. 20:00

Þá er komið að enn einum stórleiknum en fimmtudaginn 22. maí koma FH-ingar í heimsókn á Nettó-völlinn.  Við vekjum athygli á því að leikurinn hefst kl. 20:00 en hann verður sýndur beint á Stöð 2 Sport.  Fyrir leikinn er Keflavík í 3. sæti deildarinnar með 9 stig en FH-ingar eru í 1.-2. sæti með 10 stig.  Dómari leiksins verður Vilhjálmur Alvar Þórarinsson og aðstoðardómarar þeir Sigurður Óli Þórleifsson og Smári Stefánsson.  Varadómari verður Erlendur Eiríksson og Þórður Ingi Guðjónsson er svo eftirlitsmaður KSÍ.

Efsta deild
Keflavík og FH hafa leikið 48 leiki í efstu deild, þann fyrsta árið 1975.  Keflavík hefur unnið 10 leiki, FH hefur unnið 23 leiki en jafntefli hefur orðið í 15 leikjum.  Markatalan er 61-83, FH-ingum í vil.  Stærsti sigur Keflavíkur í leikjum liðanna er 6-1 sigur árið 1976 en stærstu töpin gegn FH komu árið 1993 þegar FH vann 5-1 í Hafnarfirði og í fyrra unnu FH-ingar 4-0 sigur á heimavelli okkar.  Mesti markaleikur liðanna var á Kaplakrikavelli árið 2010 þegar FH vann 5-3.  Tveir leikmenn sem nú eru í leikmannahópi Keflavíkur hafa skorað gegn FH í efstu deild; Magnús Þorsteinsson hefur skorað fimm mörk og Jóhann B. Guðmundsson eitt mark.  Það er einmitt Magnús sem hefur gert flest mörk fyrir Keflavík gegn FH í efstu deild.

Bikarkeppnin
Liðin hafa einnig mæst tíu sinnum í bikarkeppni KSÍ, fyrst árið 1972 en síðast í fyrrasumar. Bæði lið hafa unnið fimm leiki en einum lauk með jafntefli.  Markatalan er 17-13 fyrir Keflavík.  Haraldur Freyr Guðmundsson hefur gert tvö bikarmörk gegn FH-ingum.

Í fyrra
Liðin léku að sjálfsögðu tvisvar í Pepsi-deildinni síðasta sumar. og þá vann FH 2-1 á heimavelli sínum í Kaplakrika þar sem Marjan Jugovic skoraði fyrir Keflavík en Atli Viðar Björnsson og Albert Brynjar Ingason gerðu mörk FH.  Seinn leiknum á Nettó-vellinum lauk síðan með 4-0 sigri FH en þar gerði Atli Viðar Björnsson tvö mörk og Björn Daníel Sverrisson eitt en okkar menn sáu um eitt markið.

Bæði lið
Nokkur tengsl hafa verið milli Keflavíkur og FH í gegnum árin og nú leika tveir fyrrverandi leikmenn okkar með FH-ingum, þeir Hólmar Örn Rúnarsson og Guðjón Árni Antoníusson.  Þess má geta að Albert Guðmundsson og sonur hans Ingi Björn þjálfuðu bæði liðin á sínum tíma.  Meðal annarra leikmanna sem hafa leikið fyrir bæði liðin eru Gunnleifur Gunnleifsson, Alen Sutej, Þorsteinn Bjarnason, Jón Þorgrímur Stefánsson, Kristján Hilmarsson, Valþór Sigþórsson og bræðurnir Daníel og Grétar Einarssynir.

Síðustu leikir
Úrslit í leikjum Keflavíkur og FH í Keflavík hafa orðið þessi undanfarin ár:

Leikurinn
Í þetta sinn rifjum við upp leik Keflavíkur og FH frá árinu 2008.  Þá vann Keflavík heimaleikinn þar sem Magnús Þorsteinsson gerði eina mark leiksins.  Liðin háðu síðan einvígi um Íslandsmeistaratitilinn og þar hafði FH betur.  Hér má sjá frásögn Fréttablaðsins frá leiknum.
Smellið á fréttina fyrir neðan til að sjá stærri útgáfu.