Keflavík - FH á laugardag kl. 16:00

Þá er komið að því að hefja seinni umferð Pepsi-deildarinnar og það þýðir heimsókn Íslandsmeistara FH laugardaginn 20. júlí.  Leikurinn hefst kl. 16:00 á Nettó-vellinum.  Fyrir leikinn er Keflavík í 9. sæti deildarinnar með 7 stig en FH-ingar eru í 2.-3. sæti með 23 stig.  Dómari leiksins verður Garðar Örn Hinriksson og aðstoðardómarar þeir Birkir Sigurðsson og Ásgeir Þór Ásgeirsson.  Eyjólfur Ólafsson er svo eftirlitsmaður KSÍ.

Keflavík og FH hafa leikið 47 leiki í efstu deild, þann fyrsta árið 1975.  Keflavík hefur unnið 10 leiki, FH hefur unnið 22 leiki en jafntefli hefur orðið í 15 leikjum.  Markatalan er 61-79, FH-ingum í vil.  Stærsti sigur Keflavíkur í leikjum liðanna er 6-1 sigur árið 1976 en stærsta tap gegn FH kom árið 1993 þegar FH vann 5-1 í Hafnarfirði.  Mesti markaleikur liðanna var á Kaplakrikavelli árið 2010 þegar FH vann 5-3.  Fjórir leikmenn sem nú eru í leikmannahópi Keflavíkur hafa skorað gegn FH í efstu deild; Magnús Þorsteinsson hefur skorað fimm mörk og Marjan Jugovic, Arnór Ingvi Traustason og Jóhann B. Guðmundsson hafa gert eitt mark hver.

Liðin hafa einnig mæst tíu sinnum í bikarkeppni KSÍ, fyrst árið 1972 en síðast nú í sumar. Bæði lið hafa unnið fimm leiki en einum lauk með jafntefli.  Markatalan er 17-13 fyrir Keflavík.  Haraldur Freyr Guðmundsson hefur gert tvö bikarmörk gegn FH-ingum og Magnús Þór Magnússon eitt.

Liðin léku í Pepsi-deildinni fyrr í sumar og þá á heimavelli FH í Kaplakrika.  FH vann þann leik 2-1 þar sem Marjan Jugovic skoraði fyrir Keflavík en Atli Viðar Björnsson og Albert Brynjar Ingason gerðu mörk FH.

Nokkur tengsl hafa verið milli Keflavíkur og FH í gegnum árin og nú leika tveir fyrrverandi leikmenn okkar með FH-ingum, þeir Hólmar Örn Rúnarsson og Guðjón Árni Antoníusson.  Þess má geta að Albert Guðmundsson og sonur hans Ingi Björn þjálfuðu bæði liðin á sínum tíma.  Meðal annarra leikmanna sem hafa leikið fyrir bæði liðin eru Gunnleifur Gunnleifsson, Alen Sutej, Þorsteinn Bjarnason, Jón Þorgrímur Stefánsson, Kristján Hilmarsson, Valþór Sigþórsson og bræðurnir Daníel og Grétar Einarssynir.

Úrslit í leikjum Keflavíkur og FH í Keflavík hafa orðið þessi undanfarin ár: