Keflavík - Fram á sunnudag kl. 17:00

Eftir stutt landsleikjahlé er komið að næsta leik í Pepsi-deildinni en sunnudaginn 16. september fáum við fáum Framara í heimsókn í 19. umferð deildarinnar.  Leikurinn verður á Nettó-vellinum í Keflavík og hefst kl. 17:00.  Fyrir leikinn eru okkar menn í 7.-8. sæti deildarinnar með 24 stig en Fram er í því 10. með 20 stig.  Dómari leiksins verður Gunnar Jarl Jónsson, aðstoðardómarar þeir Jóhann Gunnar Guðmundsson og Smári Stefánsson en eftirlitsmaður KSÍ er Jón Þór Ágústsson.

Keflavík og Fram hafa leikið 87 leiki í efstu deild.  Sá fyrsti fór fram árið 1958 og lauk með 2-2 jafntefli þar sem Högni Gunnlaugsson og Hólmbert Friðjónsson skoruðu fyrir Keflavík.  Nokkuð jafnræði hefur verið með liðunum í gegnum árin; Keflavík hefur unnið 33 leiki en Fram 27 og liðin hafa skilið jöfn 27 sinnum.  Markatalan er 126-116, okkar liði í vil.  Stærsti sigur Framara var 5-0 árið 2009 og Keflavík hefur tvisvar unnið með 5 marka mun; 5-0 árið 1965 og 6-1 árið 2004.  Mesti markaleikur liðanna var þó 6-5 heimasigur Keflavíkur 1964 en það ár varð Keflavík einmitt Íslandsmeistari í fyrsta sinn.  Fjórir leikmenn sem í dag leika með Keflavík hafa skorað gegn Fram í efstu deild; Guðmundur Steinarsson hefur gert átta mörk, Hörður Sveinsson fjögur, Jóhann B. Guðmundsson þrjú, Magnús Þorsteinsson hefur gert tvö mörk og Frans Elvarsson eitt.

Liðin hafa leikið 11 leiki í bikarkeppninni og þar hafa Framarar betur.  Þeir hafa sigrað 7 sinnum en Keflavík 4 sinnum.  Markatalan er 13-17 fyrir Fram. 

Liðin léku fyrr í sumar á Laugardalsvellinum og þá vann Keflavík 2-0.  Frans Elvarsson og Guðmundur Steinarsson gerðu mörkin í þeim leik.

Nokkrir leikmenn hafa leikið fyrir bæði lið þessi í gegnum árin.  Þar má nefna Ragnar heitinn Margeirsson, Paul McShane, Jón Gunnar Eysteinsson, Andra Stein Birgisson, Guðmund Steinarsson og Helga Björgvinsson. 

Úrslit leikja Keflavíkur og Fram á heimavelli okkar hafa orðið þessi undanfarin ár: