Keflavík - Fylkir á mánudag kl. 19:15

Þá er komið að næst leik í Pepsi-deildinni og þar með er seinni umferð deildarinnar hafin.  Okkar menn fá Fylki í heimsókn mánudaginn 23. júlí og hefst leikurinn á Nettó-vellinum kl. 19:15.  Fyrir leikinn er Keflavík í 7.-9. sæti deildarinnar með 15 stig en Fylkir er í 6. sætinu með 16 stig.  Bæði lið eru því í harðri baráttu um og fyrir neðan miðja deild og þurfa auðvitað á stigunum að halda.  Dómari leiksins verður Garðar Örn Hinriksson, aðstoðardómarar þeir Gunnar Sverrir Gunnarsson og Sverrir Gunnar Pálmason en eftirlitsmaður KSÍ er Björn Guðbjörnsson.

Keflavík og Fylkir hafa leikið 29 leiki í efstu deild, þann fyrsta árið 1989.  Það er nokkuð jafnt á komið með liðunum í innbyrðis leikjum þeirra; Keflavík hefur unnið 11 leikjanna, níu sinnum hefur orðið jafntefli en Fylkir hefur unnið 9 leiki.  Markatalan er 36-41 fyrir Fylki.  Stærsti sigur Fylkis er 4-0 árin 2007 og 2000 en Keflavík hefur mest náð að sigra Fylki með 2ja marka mun.  Sex leikmenn sem nú eru í leikmannahópi Keflavíkur hafa skorað gegn Fylkismönnum í efstu deild.  Guðmundur Steinarsson hefur skorað níu mörk, Jóhann B. Guðmundsson tvö og þeir Hilmar Geir Eiðsson, Magnús Þorsteinsson, Haraldur Freyr Guðmundsson og Jóhann R. Benediktsson hafa gert eitt mark hvor.

Liðin mættust 8 sinnum í næstefstu deild á árunum 1981-1992.  Keflavík vann 6 leiki, einum lauk með jafntefli og Fylkir vann einn leik.  Markatalan í B-deildinni er 15-6 fyrir Keflavík.

Liðin hafa mæst þrisvar sinnum í bikarkeppni KSÍ, árin 1989, 1995 og 2004.  Keflavík hefur unnið alla þrjá leikina og markatalan er 5-1. 

Liðin mættust fyrr í sumar í 1. umferð deildarinnar og gerðu þá 1-1 jafntefli í Árbænum.  Hilmar Geir Eiðsson kom Keflavík yfir en Ingimundur Níels Óskarsson jafnaði fyrir heimamenn.

Það hefur ekki verið mikill samgangur milli félaganna tveggja í gegnum árin en nú leikur Keflvíkingurinn Magnús Þórir Matthíasson með Fylki.  Áður hafði Haukur Ingi Guðnason leikið með báðum félögunum en hann er nú aðstoðarþjálfari Fylkisliðsins.  Þórir Sigfússon þjálfaði reyndar bæði liðin á sínum tíma og Kristinn Guðbrandsson var aðstoðarþjálfari Fylkis síðustu tvö ár.

Úrslit í leikjum Keflavíkur og Fylkis í Keflavík hafa orðið þessi undanfarin ár: