Keflavík - Haukar á föstudag kl. 20:00

Í kvöld, föstudag, er komið að leik í Fótbolta.net-mótinu en þá fáum við Hauka í heimsókn í Reykjaneshöllina.  Leikurinn byrjar þar kl. 20:00.  Dómari verður Einar Ingi Jóhannsson og aðstoðardómarar þeir Jóhann Ingi Jónsson og Daníel Ingi Þórisson.

Okkar menn unnu fyrsta leik sinn í riðlinum en hann var gegn Hugin/Hetti/Leikni.  Lokatölur þar urðu 5-0 þar sem Jóhann Birnir Guðmundsson, Jónas Guðni Sævarsson, Leonard Sigurðsson, Hólmar Örn Rúnarsson og Ari Steinn Guðmundsson gerðu mörkin.  Haukar töpuðu gegn Gróttu í sínum leik.

Síðasti leikur Keflavíkur í riðlinum verður næsta miðvikudag gegn Gróttu.  Sá leikur verður í Reykjaneshöllinni kl. 19:00.