Knattspyrna | 6. júní 2015

Keflavík - ÍBV á sunnudag kl. 17:00

Eftir viðburðaríka viku er komið að leik í Pepsi-deildinni en það er heimaleikur gegn ÍBV í 7. umferð deildarinnar.  Leikurinn verður á Nettó-vellinum í Keflavík sunnudaginn 7. júní kl. 17:00.  Það þarf ekki að taka fram að okkar lið er á botni deildarinnar með eitt stig en ÍBV er í 10. sætinu með fjögur stig.

Við hvetjum stuðningsmenn Keflavíkur til að fjölmenna á völlinn og styðja strákana, oft er þörf en nú er nauðsyn.

Dómararnir
Dómari leiksins verður Guðmundur Ársæll Guðmundsson, aðstoðardómarar þeir Frosti Viðar Gunnarsson og Óli Njáll Ingólfsson og eftirlitsmaður KSÍ er Eyjólfur Ólafsson.

Stuðullinn

	1	X	2
Lengjan	2,05	2,75	2,70

Getraunanúmer Keflavíkur er 230.

Efsta deild
Keflavík og ÍBV hafa leikið 69 leiki í efstu deild, þann fyrsta árið 1968.  Það hefur verið mikið jafnræði með liðunum en þau hafa bæði unnið 28 sinnum en 13 leikjum hefur lokið með jafntefli.  Markatalan er 105-111, ÍBV í vil.  Stærsti sigur Keflavíkur gegn ÍBV kom árið 2009 en honum lauk með 6-1 sigri á heimavelli.  Eyjamenn sigruðu 6-1 árið 1972 og 5-0 árið 2000.  Mestu markaleikur þessara liða eru tveir heimasigrar hjá Keflavík, 5-3 sigur árið 1971 og 6-2 leikur árið 2006.  

Liðin hafa leikið 34 sinnum í Keflavík í efstu deild.  Þar hefur Keflavík unnið 16 leiki, átta hefur lokið með jafntefli en ÍBV hefur unnið tíu leiki hér í efstu deildinni.  Markatalan í heimaleikjum gegn ÍBV er 60-45 fyrir Keflavík.

Átta leikmenn í leikmannahópi Keflavíkur hafa skorað gegn ÍBV í efstu deild; Hörður Sveinsson hefur skorað sex mörk, Jóhann Birnir Guðmundsson fjögur, Magnús Þorsteinsson, Bojan Stefán Ljubicic og Magnús Þórir Matthíasson tvö og þeir Frans Elvarsson, Einar Orri Einarsson og Haraldur Freyr Guðmundsson hafa gert eitt mark hver.

Alls hafa 43 leikmenn skorað fyrir Keflavík gegn ÍBV í efstu deild.  Það er Steinar Jóhansson sem hefur gert flest mörk fyrir Keflavík gegn ÍBV í efstu deild en þau voru tólf.  Næstir eru  Guðmundur Steinarsson og Óli Þór Magnússon með sjö mörk hvor.

B-deild
Keflavík og ÍBV léku tvö tímabil saman í næstefstu deild árín 1956 og 1957.  Keflavík hóf einmitt að leika á Íslandsmóti árið 1956 og Eyjamenn léku fyrst undir merkjum ÍBV árið áður.  Keflavík vann báða leiki liðanna, fyrri leikinn 2-0 og seinni leikinn 7-1.

Bikarkeppnin
Liðin hafa mæst 11 sinnum í bikarkeppni KSÍ, fyrst árið 1968 og síðast árið 1999.  Keflavík hefur unnið 3 bikarleiki en Eyjamenn 7.  Einum leik lauk með jafntefli og það er auðvitað hinn frægi bikarúrslitaleikur á Laugardalsvelli árið 1997.  Markatalan í bikarnum er 14-16 fyrir Eyjamenn.

Síðast
Liðin mættust að sjálfsögðu tvisvar í Pepsi-deildinni síðasta sumar.  Fyrri leikurinn vará Nettó-vellinum og þar unnu gestirnir 2-1.  Magnús Þorsteinsson gerði mark Keflavíkur en Víðir Þorvarðarson og Atli Fannar Jónsson skoruðu fyrir ÍBV.  Keflavík vann síðan seinni leikinn úti í Eyjum 2-0 þar sem Elías Már Ómarsson og Frans Elvarsson gerðu mörkin.  Með sigrinum tryggði Keflavík endanlega stöðu sína í deildinni og úrslit annar staðar þýddu að Eyjamenn voru einnig öruggir með sitt sæti.

Bæði lið
Nokkrir leikmenn hafa leikið með bæði Keflavík og ÍBV, auk þess sem Kjartan nokkur Másson þjálfaði bæði liðin á sínum tíma.  Varnarjaxlarnir Bjarni Hólm Aðalsteinsson, Valþór Sigþórsson og Jakob Jónharðsson léku með báðum liðum og það gerði einnig Zoran nokkur Ljubicic.  Rútur Snorrason lék nokkra leiki með Keflavík áður en hann varð að leggja skóna á hilluna vegna meiðsla en Rútur hafði áður leikið um árabil með ÍBV.

Síðustu leikir
Úrslit í leikjum Keflavíkur og ÍBV í Keflavík hafa orðið þessi undanfarin ár:

Dags.	Keppni	Áh.	Úrslit	Mörk Keflavíkur
02.07.2014	A-deild	600	1-2	Magnús Þorsteinsson 45.
22.09.2013	A-deild	938	4-2	Jóhann B. Guðmundsson 47.     Einar Orri Einarsson 66.     Hörður Sveinsson 86.     Bojan Stefán Ljubicic 89.
24.05.2012	A-deild	930	1-0	Jóhann B. Guðmundsson 64.
	Jóhann Ragnar Benediktsson fékk rautt spjald
22.05.2011	A-deild	1063	0-2
25.09.2010	A-deild	1570	4-1	Hörður Sveinsson 23.     Arnór Ingvi Traustason 74.     Magnús Þorsteinsson 88.     Bojan Stefán Ljubicic 90.
	Lasse Jörgensen varði vítaspyrnu Alberts Sævarssonar
26.09.2009	A-deild	426	6-1	Alen Sutej 20.     Guðmundur Steinarsson 45.     Guðmundur Steinarsson 65.     Haraldur Freyr Guðmundsson 80.     Símun Samuelsen 82.     Símun Samuelsen 83.
13.07.2006	A-deild	736	6-2	Kenneth Gustafsson 27.     Stefán Örn Arnarson 35.     Stefán Örn Arnarson 55.     Þórarinn Kristjánsson 77.     Guðmundur Steinarsson 84.     Þórarinn Kristjánsson 88.
	Mesti markaleikur Keflavíkur og ÍBV ásamt 5-3 leik árið 1970
18.07.2005	A-deild	675	2-2	Hörður Sveinsson 41. (v)     Ólafur Jón Jónsson 66.
	Gestur Gylfason skoraði sjálfsmark
22.08.2004	A-deild	835	2-5	Hörður Sveinsson 52.     Guðmundur Steinarsson 89.
25.07.2002	A-deild	494	6-2	Haukur Ingi Guðnason 12.
	Keflavík var með sjö örvfætta leikmenn í byrjunarliðinu Ómar Jóhannsson, Ólafur Ívar Jónsson, Haraldur Freyr G., Hjörtur Fjeldsted, Jóhann Ragnar Benediktsson, Kristján Jóhannsson, Adolf Sveinsson