Keflavík - Stjarnan á miðvikudag kl. 19:00

Miðvikudaginn 9. mars mæta Stjörnumenn í heimsókn og mæta okkar mönnum í Lengjubikarnum.  Leikurinn verður í Reykjaneshöllinni og þar verður flautað til leiks kl. 19:00.  Vilhjálmur Alvar Þórarinsson sér um að dæma leikinn og honum til aðstoðar verða þeir Oddur Helgi Guðmundsson og Gylfi Tryggvason.

Keflavík hefur leikið tvo leiki í riðlinum.  Fyrsta leiknum lauk með 1-0 sigri gegn ÍBV og i kjölfarið fylgdi markalaust jafntefli gegn Val.  Stjörnumenn hafa unnið sína leiki nokkuð örugglega, gegn Fram og ÍBV.

Við hvetjum stuðningsmenn til að mæta í Reykjaneshöllina á miðvikudaginn og sjá góðan leik.  Okkar menn hafa verið að spila prýðilega í mótinu og vonandi verður framhald á þeirri frammistöðu.  Þess má geta að nýjasti leikmaður okkar, skoski varnarmaðurinn Marc McAusland, lék sinn fyrsta leik gegn Val og nú er tækifæri til að skoða kappann í fyrsta heimaleiknum.