Keflavík - Stjarnan á sunnudag kl. 20:00
Á sunnudag er komið að enn einum stórleiknum í Pepsi-deildinni en þá koma ósigraðir Stjörnumenn í heimsókn í 8. umferð deildarinnar. Leikurinn verður á Nettó-vellinum í Keflavík og það er rétt að benda sérstaklega á að leikurinn hefst kl. 20:00. Fyrir leikinn er Keflavík í 3.-4. sæti deildarinnar með 12 stig en Stjarnan er í 2. sæti með 15 stig. Þetta verður því væntanlega hörkuleikur tveggja liða sem vilja styrkja stöðu sína í deildinni, okkar menn reyndar á botninum en gestirnir í toppbaráttunni. Dómari leiksins verður Garðar Örn Hinriksson, aðstoðardómarar Jóhann Gunnar Guðmundsson og Bryngeir Valdimarsson, varadómari er Gunnar Sverrir Gunnarsson og eftirlitsmaður KSÍ verður Eyjólfur Ólafsson. Þess má geta að leikurinn verður í beinni útsendingu á Stöð 2 Sport.
Efsta deild
Keflavík og Stjarnan hafa leikið 18 leiki í efstu deild, þann fyrsta árið 1994. Keflavík hefur unnið sjö leiki en Stjarnan sex og fimm sinnum hefur orðið jafntefli. Markatalan er 26-24 fyrir Keflavík. Jóhann Birnir Guðmundsson hefur skorað fimm mörk gegn Stjörnunni í efstu deild, Hörður Sveinsson fjögur og Einar Orri Einarsson og Magnús Þórir Matthíasson eitt mark hvor. Það er einmitt Jóhann Birnir sem hefur gert flesti mörk fyrir Keflavík gegn Stjörnunni í efstu deild.
B-deild
Liðin léku fjóra leiki í B-deildinni, árin 1992 og 2003. Keflavík vann tvo þessara leikja og Stjarnan einn en einum leik lauk með jafntefli. Markatalan er 8-6 fyrir Keflavík. Einn núverandi leikmaður Keflavíkur hefur skorað í leikjum liðanna í næstefstu deild en það er Magnús Þorsteinsson.
Bikarkeppnin
Keflavík og Stjarnan hafa aðeins einu sinni mæst í bikarkeppni KSÍ en það var árið 2008. Þá vann Keflavík 2-1 á heimavelli í 32 liða úrslitum keppninnar. Magnús Þorsteinsson skoraði fyrir Keflavík í þeim leik.
Í fyrra
Liðin léku að sjálfsögðu tvisvar í Pepsi-deildinni síðasta sumar. Fyrri leikurinn var á Samsung-vellinum í Garðabæ. Stjörnumenn unnu þann leik og gerði Ólafur Karl Finsen eina mark leiksins. Stjarnan vann einnig seinni leikinn á Nettó-vellinum og þá 2-0. Aftur var það Ólafur Karl sem reyndist okkar mönnum erfiður ljár í þúfu en hann gerði bæði mörkin.
Bæði lið
Nokkrir leikmenn hafa leikið með bæði Keflavík og Stjörnunni í gegnum árin, m.a. Grétar Atli Grétarsson, Adolf Sveinsson, Kristinn Guðbrandsson, Helgi Björgvinsson og markmennirnir Bjarki Freyr Guðmundsson og Magnús Þormar.
Síðustu leikir
Úrslit í leikjum Keflavíkur og Stjörnunnar í Keflavík hafa orðið þessi:
| 2013 | Keflavík - Stjarnan | 0-2 | |
| 2012 | Keflavík - Stjarnan | 0-1 | |
| 2011 | Keflavík - Stjarnan | 4-2 |
Jóhann Birnir Guðmundsson 2 Hilmar Geir Eiðsson Guðmundur Steinarsson |
| 2010 | Keflavík - Stjarnan | 2-2 | Hörður Sveinsson 2 |
| 2009 | Keflavík - Stjarnan | 1-1 | Hörður Sveinsson |
| 2003 | Keflavík - Stjarnan (B-deild) | 5-3 |
Stefán Gíslason 2 Magnús Þorsteinsson Adolf Sveinsson Hafsteinn Rúnarsson |
| 2000 | Keflavík - Stjarnan | 1-0 | Guðmundur Steinarsson |
| 1997 | Keflavík - Stjarnan | 2-1 |
Eysteinn Hauksson Haukur Ingi Guðnason |
| 1996 | Keflavík - Stjarnan | 0-1 | Jóhann B. Guðmundsson |
| 1994 | Keflavík - Stjarnan | 4-1 |
Ragnar Margeirsson 2 Kjartan Einarsson Sverrir Þór Sverrisson |
| 1992 | Keflavík - Stjarnan (B-deild) | 1-0 | Marco Tanasic |
Leikurinn
Að þessu sinni rifjum við upp fyrsta heimaleik Keflavíkur gegn Stjörnunni í efstu deild. Keflavík vann öruggan sigur í leiknum og munaði þar mestu um stórleik, Ragnars Margeirssonar. Meðal leikmanna Keflavíkur var Marco Tanasic en það er athyglisvert að hinir ellefu sem tóku þátt í leiknum voru allir heimamenn. Að neðan má sjá umfjöllun Morgunblaðsins um leikinn.
Smellið á fréttina fyrir neðan til að sjá stærri útgáfu.
