Keflavík - Þór á sunnudag kl. 17:00

Sunnudaginn 30. júní leika Keflavík og Þór í 9. umferð Pepsi-deildarinnar.  Leikurinn fer fram á Nettó-vellinum og hefst kl. 17:00.  Fyrir leikinn eru þessi lið í 8.-9. sæti deildarinnar með sjö stig og hérna er því á ferðinni einn af þessum margfrægu sex stiga leikjum.  Dómari leiksins verður Guðmundur Ársæll Guðmundsson, aðstoðardómarar þeir Einar Sigurðsson og Óli Njáll Ingólfsson og Ingi Jónsson er eftirlitsmaður KSÍ.

Keflavík og Þór hafa leikið 24 leiki í efstu deild, þann fyrsta árið 1977.  Keflavík hefur unnið níu leikjanna, níu sinnum hefur orðið jafntefli en Þór hefur unnið sex leiki.  Markatalan er 43-36 fyrir Keflavík.  Stærsti sigur Keflavík er 5-2 sigur árið 1993 og það er jafnframt mesti markaleikur liðanna í efstu deild.  Þórsarar hafa mest unnið Keflavík með tveggja marka mun.  Þrír leikmenn sem nú eru í leikmannahópi Keflavíkur hafa skorað gegn Þór í efstu deild, Magnús Þorsteinsson hefur skorað tvö mörk og Jóhann Birnir Guðmundsson og Hörður Sveinsson eitt hvor.

Liðin mættust 4 sinnum í næstefstu deild árin 1991 og 2003.  Þór vann tvo leikjanna en hinum tveimur lauk með jafntefli.  Markatalan í B-deildinni er 6-9 fyrir Þór.

Liðin hafa mæst fjórum sinnum í bikarkeppni KSÍ, árin 1987, 1991, 1993 og 2009.  Þór vann tvo fyrstu leikina eftir vítaspyrnukeppni en Keflavík vann tvo þá síðari.  Markatalan er 6-4 fyrir Keflavík. 

Það hefur ekki verið mikill samgangur milli félaganna tveggja í gegnum árin.  Þó má ekki gleyma því að Kristján Guðmundsson þjálfaði Þór á sínum tíma og Pétur Heiðar Kristjánsson, Óli Þór Magnússon og Ólafur Pétursson hafa leikið með báðum þessum félögum.

Úrslit í leikjum Keflavíkur og Þórs í efstu deild á heimavelli okkar hafa orðið þessi: