Keflavíkurstúlkur slegnar niður á jörðina
Keflavíkurstúlkur töpuðu sínum fyrsta leik á Íslandsmótinu í sumar gegn Aftureldingu á fimmtudagskvöld, 1-0. Afturelding var mun betra liðið í leiknum og átti Keflavík mjög dapran dag, sérstaklega í fyrri hálfleik. Þrátt fyrir að heimastúlkur hafi verið sterkari lengstum þá náðu þær að skapa sér lítið af færum. Á 70. mínútu átti leikmaður Aftureldingar þrumuskot af um 25 metra færi sem small í stönginni og barst út í markteigin, þar var Sandra Dögg Björgvinsdóttir á auðum sjó og renndi boltanum í autt markið. Fleiri urðu mörkin ekki og eru úrslitin og spilamennska stúlknanna mikil vonbrigði eftir flottan sigur á Grindavík fyrr í vikunni.
Næsti leikur hjá stelpunum er gegn Augnablik, miðvikudaginn 8. júní á Nettóvellinum í Keflavík.
Staðan í riðlinum er mjög jöfn en fimm lið eru með 6 stig að loknum þremur umferðum.
Byrjunarliðið gegn Aftureldingu.
Efri röð frá vinstri: Arndís Snjólaug, Brynja, Sveindís Jane, Anita Lind, Sólveig Lind, Amber.
Neðri röð frá vinstri: Eva Lind, Ljiridona, Auður Erla, Kristrún Ýr, Þóra Kristín.
