Keflvíkingar í úrtakshópum

Það er mikið um að vera hjá yngri landsliðum Íslands þessa dagana og við Keflvíkingar eigum nokkra fulltrúa í úrtakshópum sem eru að koma saman næstu daga.

Kristrún Lilja Daðadóttir landsliðsþjálfari hefur valið Guðrúnu Ólöf Olsen í hóp til úrtaksæfinga hjá U16 ára landsliði stúlkna og eru þetta síðustu úrtaksæfingar fyrir opna Norðurlandamótið sem hefst hér á landi 30. júní.  Guðrún er aðeins 15 ára gömul en lék sína fyrstu leiki með meistaraflokki síðasta sumar og hefur verið fastamaður í liði Keflavíkur í sumar. 

Luka Kostic, landsliðsþjálfari U17 ára liðs karla, hefur valið 29 leikmenn til úrtaksæfinga um komandi helgi.  Þrír Keflvíkingar eru í þessu úrtaki, þeir Árni Freyr Ásgeirsson, Róbert Örn Ólafsson og Sigurbergur Elísson.  Æfingarnar fara fram á Tungubökkum í Mosfellsbæ en einnig sækja strákarnir fyrirlestur þessa helgi.

Við óskum krökkunum góðs gengis.

Guðrún Ólöf.

Róbert, Sigurbergur og Árni.