KR - Keflavík á sunnudag kl. 19:15
Þá er komið að útileik gegn KR í Pepsi-deildinni sem er í 6. umferð deildarinnar. Leikurinn verður á Alvogen-vellinum í Frostaskjóli sunnudaginn 31. maí kl. 19:15. Það þarf ekki að fara mörgum orðum um að okkar menn hafa ekki farið vel af stað í deildinni þetta árið og eru með eitt stig að loknum fimm leikjum. KR-ingar eru hins vegar í 2. sætinu með 10 stig.
Dómararnir
Dómari leiksins verður Erlendur Eiríksson, aðstoðardómarar þeir Áskell Þór Gíslason og Jóhann Gunnar Guðmundsson og eftirlitsmaður KSÍ er Guðmundur Sigurðsson.
Stuðullinn
| 1 | X | 2 | |
| Lengjan | 1,15 | 4,30 | 8,50 |
Getraunanúmer Keflavíkur er 230.
Efsta deild
Keflavík og KR hafa leikið 97 leiki í efstu deild en KR er það félag sem við höfum leikið flesta leiki gegn í deildinni. Nokkuð jafnræði hefur verið með liðunum í gegnum árin, Keflavík hefur sigrað í 32 leikjum og KR í 36 en 29 leikjanna hefur lokið með jafntefli. Markatalan er 128-151, KR í vil. Stærsti sigur Keflavíkur í innbyrðis leikjum liðanna var 5-1 sigur á Keflavíkurvelli árið 1974. Stærsti sigur KR-inga er hins vegar 8-1 árið 1960 og það er jafnframt mesti markaleikur þessara liða.
Liðin hafa leikið 48 sinnum á heimavelli KR í efstu deild. Þar hefur Keflavík unnið 14 leiki og öðrum 14 hefur lokið með jafntefli en KR hefur unnið 20 heimaleiki gegn Keflavík í efstu deildinni. Markatalan í útileikjum okkar gegn KR-ingum er 64-86 fyrir KR.
Sex leikmenn í leikmannahópi Keflavíkur hafa skorað gegn KR í efstu deild; Hörður Sveinsson hefur skorað þrjú mörk, Hólmar Örn Rúnarsson og Jóhann B. Guðmundsson tvö og þeir Frans Elvarsson, Magnús Þórir Matthíasson og Magnús Þorsteinsson eitt mark hver.
Alls hafa 53 leikmenn skorað fyrir Keflavík gegn KR í efstu deild. Það er Guðmundur Steinarsson sem hefur gert flest mörk fyrir Keflavík gegn KR eða 12, næstir eru Jón Ólafur Jónsson og Steinar Jóhannsson með 8 mörk hvor.
Bikarkeppnin
Liðin hafa mæst 13 sinnum í bikarkeppni KSÍ en KR er það félag sem við höfum leikið flesta leiki gegn í bikarnum. Þessi félög mættust fyrst í bikarnum árið 1963 þegar þau léku í undanúrslitum. Keflavík hefur unnið fimm bikarleiki en KR átta og markatalan er 21-28 fyrir KR. Hörður Sveinsson, Guðjón Árni Antoníusson og Magnús Þórir Matthíasson hafa allir skorað eitt bikarmark gegn KR en mörk Harðar og Guðjóns komu í úrslitaleikjum liðanna árin 2014 og 2006. Ragnar Margeirsson hefur gert flest bikarmörk gegn KR en þau voru þrjú talsins.
Síðast
Liðin mættust að sjálfsögðu tvisvar í Pepsi-deildinni síðasta sumar. Fyrri leikurinn var á Nettó-vellinum og þar gerðu KR-ingar eina mark leiksins en það gerði Óskar Örn Hauksson í blálokin. KR-ingar unnu leikinn á sínum heimavelli 2-0 og þar gerði Almarr Ormarsson bæði mörkin. Liðin mættust svo í úrslitaleik bikarkeppninnar á Laugardalsvelli og þar sigraði KR 2-1. Hörður Sveinsson kom Keflavík reyndar yfir en Grétar Sigfinnur Sigurðarsson og Kjartan Henry Finnbogason tryggðu KR sigurinn og bikarmeistaratitilinn.
Bæði lið
Þó nokkrir leikmenn hafa leikið með bæði Keflavík og KR í gegnum árin og ekki síður hafa félögin deilt sömu þjálfurunum. Guðni Kjartansson, Hólmbert Friðjónsson, Ian Ross, Pétur Pétursson og Willum Þór Þórsson hafa allir þjálfað bæði liðin. Upp úr 1990 var hálfgerð Keflavíkurnýlenda í Vesturbænum þegar Ólafur Gottskálksson, Sigurður Björgvinsson, Gunnar Oddsson og Ragnar Margeirsson léku þar allir undir stjórn Guðna. Seinni árin hafa Baldur Sigurðsson, Haukur Ingi Guðnason, Stefán Gíslason og markmennirnir Bjarki Freyr Guðmundsson og Gunnleifur Gunnleifsson skipt milli þessara liða. Einn fyrrverandi leikmaður okkar, Jónas Guðni Sævarsson, leika nú með KR.
Síðustu leikir
Úrslit í leikjum KR og Keflavíkur á heimavelli KR-inga hafa orðið þessi undanfarin ár:
| Dags. | Keppni | Áh. | Úrslit | Mörk Keflavíkur |
| 11.00.2014 | A-deild | 1633 | 2-0 | |
| 28.07.2013 | A-deild | 1533 | 3-0 | |
| 29.09.2012 | A-deild | 501 | 3-0 | |
| Magnús Þór Magnússon skoraði sjálfsmark | ||||
| 03.07.2011 | Bikarkeppni | 956 | 3-2 |
Magnús Þórir Matthíasson 5. Andri Steinn Birgisson 65. |
| 08.05.2011 | A-deild | 2334 | 1-1 | Hilmar Geir Eiðsson 61. |
| 25.05.2010 | A-deild | 2364 | 0-0 | |
| 14.06.2009 | A-deild | 1666 | 4-1 | Alen Sutej 70. |
| Einar Orri Einarsson fékk rautt spjald | ||||
| 22.08.2008 | A-deild | 1872 | 2-2 |
Guðmundur Steinarsson 65. Jón Gunnar Eysteinsson 68. |
| Kenneth Gustafsson skoraði sjálfsmark | ||||
| 14.05.2007 | A-deild | 1891 | 1-2 |
Guðmundur Steinarsson 40. (v) Símun Samuelsen 61. |
| 09.08.2006 | A-deild | 1283 | 2-2 |
Guðmundur Steinarsson 11. Þórarinn Kristjánsson 80. |
