Kristján fundar með Wenger

Kristján Guðmundsson þjálfari Keflavíkur hefur dvalið hjá Arsenal í London frá sl. mánudegi.  Þjálfarinn tók þátt í undirbúningi leiks Arsenal gegn Sparta Prag í Meistaradeildinni sl. miðvikudagskvöld sem Arsenal vann 3-0.  Kristján sagði að létt hefði verið yfir Arsene Wenger framkvæmdastjóra Arsenal eftir sigurinn og á fundi þeirra í gær hafi hann verið mjög léttur og líflegur.  Kristján og Wenger áttu gott spjall saman um leikmenn Arsenal og þjálfunaraðferðir þar á bæ.  Þeir kollegar hittast aftur á undirbúningsæfingu í dag, föstudag en á morgun leikur Arsenal við Sunderland í úrvalsdeildinni.  Það er engin spurning að heimsókn Kristjáns til Arsenal bætir töluvert í reynslubankann til viðbótar við ánægjuna og skemmtilegheitin sem hafa verið í herbúðum Arsenal þessa daga sem Kristján hefur dvalið þar.  ási

Kristján fagnar sigri á KR í sumar.
(Mynd: Eygló Eyjólfsdóttir)