Knattspyrna | 1. maí 2013

Leikmenn Keflavíkur - Arnór Ingvi Traustason

#9 - Arnór Ingvi Traustason

Aldur: 20 ára.
Staða: Fyrir aftan framherjann, AMC.
Hvernig líst þér á komandi keppnistímabil?
Mér líst bara mjög vel á þetta. Hlakka bara til að byrja þetta!
Hvert er markmið liðsins í sumar?
Það er að spila framandi fótbolta og reyna gera betur en í fyrra.
Liðinu er spáð falli af öllum helstu miðlum, hvað finnst leikmönnum um það?
Heyrðu mér gæti ekki verið meira sama, held að þetta sé betra fyrir okkur. Við ætlum okkur að afsanna þessa spá og koma á óvart í sumar.
Hvernig er liðið að koma undan vetri?
Mjög vel held ég, nema að við vorum að gæla við smávægileg meiðsli í hópnum okkar í vetur en þetta er allt að smella saman núna.
Eru einhverjir nýir ungir leikmenn sem áhorfendur ættu að fylgjast vel með í sumar?
Elías Már Ómarsson á eftir að láta ljós sitt skína í sumar og gera gott mót.
Lokaorð til stuðningsmanna?
Mæta á völlinn og styðja við bakið á okkur í blíðu og stríðu. Ég er farinn að hlakka til að heyra í Pumasveitinni Jr.

Bak við tjöldin

Mesti húmoristinn í klefanum?
Ég ætla að leyfa Ray og Einari að keppast um þann titil, magnaðir báðir tveir.
Verst klæddi leikmaðurinn?
Ég vill meina að útlendingana okkar skorti smá tísku í sinn fatastíl. Svo kemur Beggi Byko líka sterkur inn.
Best klæddi leikmaðurinn?
Magnús Þór, alveg klárt mál.
Mesti Höztlerinn í liðinur?
Magnús Þórir Matthíasson fær þann heiður. Svo er Maggi Ríkharðs eitthvað að reyna læra af honum.
Hver verður markahæstur í sumar?
Jóhann Birnir Guðmundsson.
Hvar endar Keflavík í sumar?
Ætla leyfa mér að segja 3.-6.