Knattspyrna | 25. apríl 2013

Leikmenn Keflavíkur - Frans Elvarsson

#25 - Frans Elvarsson

Aldur: 22 ára.
Staða: Miðjumaður.
Hvernig líst þér á komandi keppnistímabil?
Svakalega vel, mikill fiðringur kominn í mann og mórallinn í liðinu hrikalega góður.
Hvert er markmið liðsins í sumar?
Höfum ekki farið yfir það formlega en ég myndi segja að barátta um Evrópusæti væri svona óskrifað markmið.
Liðinu er spáð falli af öllum helstu miðlum, hvað finnst leikmönnum um það?
Pirraði mig mikið að sjá það, hlakka til að afsanna það.
Hvernig er liðið að koma undan vetri?
Búið að vera hálf laskað undirbúningstímabil, margir smávægilega meiddir og höfum við sjaldan getað stillt upp okkar sterkasta liði, en flestir heilir núna og ég tel okkur vera klára í sumarið.
Eru einhverjir nýir ungir leikmenn sem áhorfendur ættu að fylgjast vel með í sumar?
Tel að fólk ætti að hafa augun með Elíasi Má Ómarssyni, gríðarlegt efni í honum, lúmsk sprengja í honum og með flott skot bæði með hægri og vinstri.
Lokaorð til stuðningsmanna?
Mæta á sem flesta leiki og styðja okkur í blíðu og stríðu! Beini þessu sérstaklega til Puma yngri, kveikir hrikalega í okkur að hafa smá læti á leikjunum.

Bak við tjöldin

Mesti húmoristinn í klefanum?
Ómar Jóhannsson.
Verst klæddi leikmaðurinn?
Beggi Byko tekur það til sín og svo á greinilega eftir að uppgötva tísku þarna á Balkanskaganum en útlendingarnir okkar gætu bætt sig í fatavali.
Best klæddi leikmaðurinn?
Haraldur Guðmundsson og Magnús Þór.
Mesti Höztlerinn í liðinur?
Tilnefni Magga Matt í það.
Hver verður markahæstur í sumar?
Marjan og Höddi Sveins líklegir, sömuleiðis Jói B. og Arnór Ingvi.
Hvar endar Keflavík í sumar?
Allavega ekki í fallsæti. Ég er með augun á 3.-6. sæti.