Knattspyrna | 30. apríl 2013

Leikmenn Keflavíkur - Hörður Sveinsson

#10 - Hörður Sveinsson

Aldur: Big 30.
Staða: Sóknarmaður.
Hvernig líst þér á komandi keppnistímabil?
Ég er fullur tilhlökkunar fyrir komandi tímabil enda langt undirbúningstímabil að baki þar sem æft var gríðarlega vel, mikið af ungum strákum að koma sterkir inn.
Hvert er markmið liðsins í sumar?
Fyrsta markmið er alltaf að gera betur en í fyrra og ef hlutirnir detta fyrir okkur verður þetta spennandi tímabil.
Liðinu er spáð falli af öllum helstu miðlum, hvað finnst leikmönnum um það?
Það þýðir lítið að spá í þessum spám, við vitum sjálfir hvað við getum og það er undir okkur komið að afsanna þessar spár.
Hvernig er liðið að koma undan vetri?
Ég tel að liðið sé vel undirbúið fyrir tímabilið og allir klárir í bátana að róa í sömu átt. Ungu strákarnir hafa verið að fá mínútur og hafa komið vel út í þeim leikjum sem við höfum spilað.
Eru einhverjir nýir ungir leikmenn sem áhorfendur ættu að fylgjast vel með í sumar?
Það verður spennandi að fylgjast með Elíasi, en svo erum við með svo marga aðra unga sem hafa fengið að spila undanfarin ár og verður skemmtilegt að fylgast með þeim öllum.
Lokaorð til stuðningsmanna?
Stuðningur við liðið er gríðarlega mikilvægur og þætti mér vænt um að sjá sem flesta mæta og styðja liðið í gegnum súrt og sætt, við eigum eftir að gera fullt af mistökum en leggjum okkur alltaf 100% fram í hvern einasta leik. Svo hef ég trú á að Puma Jr. eigi eftir að koma sterkir inn og ekki veitir af að aðrir stuðningsmenn taki undir með þeim. Eins og oft hefur verið sagt geta stuðningsmenn verið 12. maðurinn í jöfnum leikjum.

Bak við tjöldin

Mesti húmoristinn í klefanum?
Ómar á víst að vera eitthvað fyndinn, hann tekur víst að sér veislustjórn með misgóðum árangri.
Verst klæddi leikmaðurinn?
Teddi hefur ekkert verið að klæða sig vel undanfarið, með sama áframhaldi verður hann mikið í gulu buxunum í sumar.
Best klæddi leikmaðurinn?
Haraldur “Faxi” Guðmundsson.
Mesti Höztlerinn í liðinur?
Mattarinn.
Hver verður markahæstur í sumar?
Ég mun leggja mitt af mörkum til að vera þarna í toppnum en svo mun líklega vítaskyttan og aukaspyrnusérfræðingurinn Jóhann Birnir Guðmundsson veita mér harða keppni.
Hvar endar Keflavík í sumar?
Við endum á góðum stað, ef við höldum rétt á spilunum verðum við í séns á Evrópukeppni.