Knattspyrna | 27. apríl 2013

Leikmenn Keflavíkur - Magnús Þór Magnússon

#22 - Magnús Þór Magnússon

Aldur: 21 árs.
Staða: Hafsent/miðjumaður.
Hvernig líst þér á komandi keppnistímabil?
Mér líst bara mjög vel á komandi tímabil.
Hvert er markmið liðsins í sumar?
Spila skemmtilegan og árangursríkan fótbolta.
Liðinu er spáð falli af öllum helstu miðlum, hvað finnst leikmönnum um það?
Ef eithvað er þá hefur það hvetjandi áhrif á okkur, við munum gera allt til að afsanna spána.
Hvernig er liðið að koma undan vetri?
Liðið er að slípast saman eftir einhverjar mannabreytingar og sólin á Spáni þjappaði hópnum vel saman.
Eru einhverjir nýir ungir leikmenn sem áhorfendur ættu að fylgjast vel með í sumar?
Ég hef trú á að Elías eigi eftir að fá fleiri mínútur og setja nokkur í sumar.
Lokaorð til stuðningsmanna?
Vona að sjá sem flesta á vellinum í sumar, ekkert er betra en góður og jákvæður stuðningur. Hann getur gert gæfumuninn.

Bak við tjöldin

Mesti húmoristinn í klefanum?
Einar Orri og Ray eru hrikalega skemmtilegir karakterar.
Verst klæddi leikmaðurinn?
Jogging-gallarnir hafa ekki komist almennilega í tísku eftir 80´s tímabilið hér á Íslandi en virðast vera að blómstra í Serbíu. Marjan fær þennan titil.
Best klæddi leikmaðurinn?
Jói B. og Ómar fá að deila þessum titli. Þrátt fyrir að Jói sé nánast orðin afinn í hópnum nær hann að halda sér hrikalega unglegum og flottum í klæðaburði. Ómar þarf nú ekki að leggja mikið í klæðaburð vegna fegurðar sinnar bæði að innan sem og að utan en þrátt fyrir það er hann alveg hrikalega flottur í tauinu.
Mesti Höztlerinn í liðinu?
Sibbi hefur átt góðu gengi að fagna eftir stjörnuleik sinn í skólaþættinum Hnísunni.
Hver verður markahæstur í sumar?
Arnór Ingvi Traustason.
Hvar endar Keflavík í sumar?
Við verðum á góðum stað.