Knattspyrna | 28. apríl 2013

Leikmenn Keflavíkur - Ómar Jóhannsson

#1 - Ómar Jóhannsson

Aldur: 32 ára.
Staða: Markmaður.
Hvernig líst þér á komandi keppnistímabil?
Vel, ekki annað hægt með jafn marga snillinga í og kringum liðið.
Hvert er markmið liðsins í sumar?
Það hefur ekkert verið rætt um eithvað eitt markmið en það væri fínt að byrja á að safna fleiri stigum en síðasta tímabil og sjá svo til.
Liðinu er spáð falli af öllum helstu miðlum, hvað finnst leikmönnum um það?
Mest lítið, þessi spá er fyrir áhangendur en ekki leikmenn.
Hvernig er liðið að koma undan vetri?
Veturinn hefur verið mildur hér fyrir sunnan og menn koma því ferskir til leiks.
Eru einhverjir nýir ungir leikmenn sem áhorfendur ættu að fylgjast vel með í sumar?
Elías á eftir að setja nokkur mörk í sumar og Arnór mun koma til greina sem efnilegasti ef ekki besti leikmaður mótsins.
Lokaorð til stuðningsmanna?
Bara mæta á völlinn og hafa gaman.

Bak við tjöldin

Mesti húmoristinn í klefanum?
Fuad er á góðri leið með að verða það alveg óvart.
Verst klæddi leikmaðurinn?
Jafn flottur og Einar Orri getur verið þá er stundum eins og hann hafi rænt fötunum af heimilislausum manni.
Best klæddi leikmaðurinn?
Fasteignasalinn Haraldur Guðmundsson er alltaf vel til fara.
Mesti Höztlerinn í liðinu?
Í þessu liði eru menn 100% einbeittir á komandi tímabil og því enginn tími fyrir svoleiðis.
Hver verður markahæstur í sumar?
Erfitt að segja en ég hef verið að æfa vítin og mun blanda mér í baráttuna.
Hvar endar Keflavík í sumar?
Ofar en í fyrra.