Knattspyrna | 26. apríl 2013

Leikmenn Keflavíkur - Sigurbergur Elísson

#23 - Sigurbergur Elísson

Aldur: 20 ára.
Staða: Miðjumaður/Kantmaður.
Hvernig líst þér á komandi keppnistímabil?
Ég er bara bjartsýnn á tímabilið, erum með góða blöndu af ungum og eldri leikmönnum og ef við náum að smella saman að þá getum við gert mjög góða hluti.
Hvert er markmið liðsins í sumar?
Markmiðið er að gera betur en í fyrra.
Liðinu er spáð falli af öllum helstu miðlum, hvað finnst leikmönnum um það?
Okkur er spáð falli af flestum miðlum, spá er bara spá og við ætlum að sýna og sanna að við erum með betra lið en þessir "spámenn" halda og troða blautum sokk ofan í þessa spá.
Hvernig er liðið að koma undan vetri?
Liðið er bara virkilega vel komið undan vetri, erum búnir að æfa mjög vel og mórallinn í liðinu er frábær þannig að við erum mjög vel undirbúnir fyrir komandi tímabil.
Eru einhverjir nýir ungir leikmenn sem áhorfendur ættu að fylgjast vel með í sumar?
Fólk ætti að fylgjast með ungum dreng sem heitir Elías Már Ómarsson, virkilega efnilegur strákur sem gæti gert góða hluti ef hann fær sénsinn í sumar.
Lokaorð til stuðningsmanna?
Ég vil biðja stuðningsmenn um að styðja okkur í allt sumar og vera jákvæðir, sama þótt það gangi illa eða vel. Við þurfum á ykkar stuðningi að halda. Verið þolinmóð þar sem við erum kannski ekki með mestu breiddina og það eru margir ungir strákar að fara stíga sín fyrstu skref í Úrvalsdeildinni í sumar.

Bak við tjöldin

Mesti húmoristinn í klefanum?
Ómar Jóhannsson er virkilega fyndinn.
Verst klæddi leikmaðurinn?
Útlendingarnir okkar, Marjan og Fuad.
Best klæddi leikmaðurinn?
Magnús Þór Magnússon er alltaf í flottum fötum.
Mesti Höztlerinn í liðinur?
Magnús Þórir Matthíasson lætur kvenfólkið ekki vera.
Hver verður markahæstur í sumar?
Ég ætla að segja að Jóhann Birnir eða Arnór Ingvi verða markahæstir hjá okkur.
Hvar endar Keflavík í sumar?
Það er ekki gott að segja, allavega ekki í fallsæti.