Lokaleikur riðlakeppninnar hjá stelpunum í kvöld

Keflavíkurstúlkur leika gegn Haukum á Ásvöllum í lokaleik B-riðils Íslandsmótsins á mánudagskvöld. 

Liðin hafa mæst þrisvar í mótsleik á árinu og hafa leikirnir verið tvísýnir og skemmtilegir. Keflavík hafði betur í Faxaflóamótinu 4-0, Haukar sigruðu svo í úrslitaleik Lengjubikarsins á Ásvöllum 2-0, í fyrri leik Íslandsmótsins höfðu Haukastelpur 0-1 sigur í Keflavík.

Haukar hafa þegar tryggt sér 2. sætið í riðlinum og sæti í úrslitakeppninni. Keflavík er sem stendur í 3. sæti riðilsins og þurfa á sigri að halda til að enda í 3. sætinu sem tryggir liðinu þátttöku í úrslitakepnni 1. deildar.

Það er því að miklu að keppa í kvöld og eru Keflvíkingar hvattir til að fjölmenna á Ásvelli og hvetja stúlkurnar til sigurs. Leikurinn hefst kl. 20:00.