Magnús dæmir í Hollandi

Magnús Þórisson, milliríkjadómari okkar Keflvíkinga, mun dæma leik Hollands og Eistlands í undankeppni EM 2009 hjá U21 landsliðum karla.  Magnúsi til aðstoðar verða þeir Einar Sigurðsson og Áskell Þór Gíslason og fjórði dómari verður Garðar Örn Hinriksson.

Leikurinn fer fram í Emmen í Hollandi 26. mars en þessar þjóðir eru í 5. riðli undankeppninnar.  Hollendingar standa vel að vígi í riðlinum og eru með fullt hús stiga eftir fjóra leiki en Eistar eiga enn eftir að vinna sér inn stig í riðlinum.

Magnús mættur í Reykjaneshöllina til að dæma æfingarleik hjá Keflavík (Mynd: Jón Örvar)