Nettó-völlurinn í góðu standi

Heimavöllur okkar Keflvíkinga, Nettó-völlurinn, kemur vel undan vetri og er útlitið gott nú þegar um mánuður er í fyrsta heimaleikinn í Íslandsmótinu.  Fyrr í vikunni var völlurinn sleginn í fyrsta sinn á þessu vori og næsta skref er að bera á.  Myndirnar hér að neðan voru einmitt teknar við það tækifæri.  Fyrsti heimaleikur Keflavíkur í Pepsi-deildinni verður gegn Stjörnunni mánudaginn 14. maí og ekki er útlit fyrir annað en að þá verði leikið við toppaðstæður á Nettó-vellinum.