Nýr liðsmaður til Keflavíkur

Nýr liðsmaður er genginn til liðs við okkur Keflvíkinga en Einar Örn Einarsson hefur skipt í Keflavík úr Leikni og skrifað undir þriggja ára samning við félagið.  Einar er 23 ára gamall framherji sem hefur leikið með Leikni allan sinn feril og lék þar 99 leiki og skoraði 44 mörk.  Í sumar lék hann 17 leiki í 1. deildinni og skoraði 6 mörk.  Við undirritun samningsins lýsti Einar mikilli ánægju með að vera kominn til Keflavíkur og það væri ögrandi verkefni að leika með félaginu í efstu deild.  Við bjóðum Einar Örn velkominn í hópinn.

Myndir: Jón Örvar Arason