Öruggt gegn Njarðvík

Keflavík vann öruggan 6-1 sigur í æfingaleik gegn Njarðvík en leikið var á æfingasvæðinu við Njarðvíkurvöllinn á sumardaginn fyrsta.  Allir leikmenn okkar fengu að spreyta sig í leiknum enda var alveg skipt um lið í hálfleik en þá var staðan 3-0.  Það voru framherjarnir sem sáu um markaskorunina að þessu sinni en Hörður Sveinsson gerði þrennu, Theodór Guðni Halldórsson gerði tvö og Daníel Gylfason skoraði eitt mark.  Mark Njarðvíkur gerði Aron Freyr Róbertsson.

Á myndinni með fréttinni má sjá markaskorarana Daníel, Hörð og Theodór á æfingu á Spáni.