Öruggt í Mosfellsbænum

Keflavík vann öruggan sigur gegn Aftureldingu í Mosfellsbænum í kvöld.  Lokatölurnar urðu 4-0 okkar mönnum í vil.  Þórarinn Kristjánsson skoraði tvö mörk í leiknum og Magnús Þorsteinsson og Haraldur Guðmundsson eitt mark hvor.  Þórarinn hefur nú skorað 10 mörk í deildinni og Magnús 9 en Haraldur var að skora sitt fyrsta deildarmark í sumar.

Eftir leikinn er Keflavík með 30 stig en Víkingar koma næstir með 26 stig.  Þór er með 22 stig en á inni leik í Njarðvík á morgun, laugardag.