Öruggur sigur gegn ÍBV

Keflavík vann öruggan sigur á ÍBV þegar liðin mættust í Lengjubikarnum um helgina en lokatölur urðu 3-1.  Guðmundur Steinarsson kom okkar mönnum yfir snemma leiks en Ian Jeffs jafnaði fyrir Eyjamenn og staðan var 1-1 þegar flautað var til leikhlés.  Keflavík tryggði sér síðan sigurinn með tveimur mörkum í seinni hálfleik og að þessu sinni voru það ungu mennirnir sem sáu um það.  Arnór Ingvi Traustason kom okkar liði yfir á 68. mínútu og Sigurbergur Elísson gulltryggði svo sigurinn tíu mínútum síðar.

Keflavík er nú í 3. sæti riðilsins með 9 stig eftir fjóra leiki.  Liðið hefur nú unnið þrjá leiki í röð eftir að hafa tapað fyrsta leiknum gegn Víkingum.  Næsti leikur er svo gegn KA í Reykjaneshöllinni laugardaginn 24. mars kl. 16:00.

Mynd: Arnór Ingvi skoraði gegn Eyjamönnum.