Samúel Kári til Reading

Samúel Kári Friðjónsson er á leiðinni til reynslu hjá enska úrvalsdeildarliðinu Reading.  Hann verður hjá liðinu í viku þar sem hann mun æfa og leika með unglingaliði félagsins.  Samúel var hjá Reading í ágúst og félagið hefur nú boðið honum aftur til sín.

Samúel Kári er 16 ára gamall en hann var þrátt fyrir ungan aldur nokkrum sinnum í leikmannahópi Keflavíkur í Pepsi-deildinni í sumar.  Hann á að baki 11 leiki með U-17 ára landsliði Íslands og hefur m.a. verið fyrirliði liðsins.

Við óskum Samúel góðs gengis ytra.