Samúel Kári til Reading

Samúel Kári Friðjónsson er formlega genginn í raðir enska úrvalsdeildarliðsins Reading.  Hann gerir tveggja ára atvinnumannasamning við félagið og verður því í þeirra röðum til ársins 2015.  Tómas Ingi Urbancic gengur einnig til liðs við Reading frá Víkingum.  Piltarnir verða í unglingaakademíu Reading fram á vor en skrifa undir samninga þegar opnað verður fyrir félagaskipti.

Samúel Kári er 17 ára gamall og hefur leikið nokkra leiki með Keflavík í Lengjubikarnum en hann var einnig nokkrum sinnum í leikmannahópnum í Pepsi-deildinni síðasta sumar.  Hann á að baki tvo leiki með U-19 ára landsliðinu og 11 með U-17 ára liðinu.

Við óskum Samúel og Tómasi góðs gengis í atvinnumennskunni.