Seinni leikurinn hjá stelpunum

Þriðjudaginn 30. ágúst leika Keflavík og Selfoss seinni leik sinn í undanúrslitum 1. deildar kvenna.  Leikurinn fer fram á Selfossvelli og hefst kl. 17:30.  Keflavík vann fyrri leikinn 3-2 og það stefnir því í hörkuleik á Selfossi.  Liðið sem sigrar í einvíginu tryggir sér sæti í úrvalsdeild að ári og leikur til úrslita í 1. deildinni.  Í hinni undanúrslitaviðureigninni leiða FH og Haukar saman hesta sína og þar eru FH-ingar svo gott sem búnir að tryggja sér sæti í efstu deild eftir 8-1 sigur í fyrri leiknum.  Úrslitaleikurinn í deildinni fer fram laugardaginn 3. september.