Sindri til reynslu hjá Odds BK

Sindri Kristinn Ólafsson verður til reynslu hjá norska liðinu Odds BK næstu daga.  Odds BK er eitt sterkasta lið Noregs og er sem stendur í 4. sæti norsku deildarinnar.  Liðið er yfirleitt kallað Odd og hét reyndar Odd Grenland á árunum 1994 til 2012.

Sindri Kristinn er 18 ára gamall en á þegar að baki 16 leiki með Keflavík í efstu deild.  Hann hefur einnig leikið með U-19 ára og U-17 ára landsliðum Íslands.

Við óskum Sindra góðs gengis ytra.