Stjarnan - Keflavík á miðvikudag kl. 20:00

Á miðvikudag skreppa okkar menn í Garðabæinn og heimsækja Stjörnuna í 14. umferð Pepsi-deildarinnar.  Leikurinn verður á Samsung-velli þeirra Stjörnumanna og hefst kl. 20:00.  Fyrir leikinn er Keflavík í 7.-9. sæti deildarinnar með 18 stig en Stjarnan er í 3. sæti með 22 stig.  Þetta verður því væntanlega hörkuleikur tveggja liða sem vilja styrkja stöðu sína í deildinni.  Dómari leiksins verður Guðmundur Ársæll Guðmundsson, aðstoðardómarar Leiknir Ágústsson og Smári Stefánsson, varadómari verður Vilhjálmur Alvar Þórarinsson og eftirlitsmaður KSÍ verður Ingi Jónsson.  Þess má geta að leikurinn verður í beinni útsendingu á Stöð 2 Sport.

Keflavík og Stjarnan hafa leikið 15 leiki í efstu deild, þann fyrsta árið 1994. Keflavík hefur unnið sex leiki en Stjarnan fjóra og fimm sinnum hefur orðið jafntefli. Markatalan er 23-20 fyrir Keflavík. Jóhann Birnir Guðmundsson hefur skorað fjögur mörk gegn Stjörnunni í efstu deild, Guðmundur Steinarsson og Hilmar Geir Eiðsson þrjú og Einar Orri Einarsson eitt mark.

Liðin léku fjóra leiki í B-deildinni, árin 1992 og 2003. Keflavík vann tvo þessara leikja og Stjarnan einn en einum leik lauk með jafntefli. Markatalan er 8-6 fyrir Keflavík. Einn núverandi leikmaður Keflavíkur hefur skorað í leikjum liðanna í næstefstu deild en það er Magnús Þorsteinsson.

Keflavík og Stjarnan hafa einu sinni mæst í bikarkeppni KSÍ en það var árið 2008. Þá vann Keflavík 2-1 á heimavelli í 32 liða úrslitum keppninnar. Magnús Þorsteinsson skoraði fyrir Keflavík í þeim leik.

Liðin mættust fyrr í sumar í Pepsi-deildinni og þá á heimavelli okkar.  Stjörnumenn unnu þann leik og gerði Halldór Orri Björnsson eina mark leiksins úr vítaspyrnu.

Nokkrir leikmenn hafa leikið með bæði Keflavík og Stjörnunni í gegnum árin, m.a. Adolf Sveinsson, Kristinn Guðbrandsson, Helgi Björgvinsson og markmennirnir Bjarki Freyr Guðmundsson og Magnús Þormar. Nú leikur Grétar Atli Grétarsson með okkar liði en hann er uppalinn Stjörnumaður.

Úrslit í leikjum Stjörnunnar og Keflavíkur í Garðabæ hafa orðið þessi: