Stjarnan - Keflavík á sunnudag kl. 19:15
Sunnudaginn 24. júlí skreppa okkar menn í Garðabæinn og mæta heimamönnum í 12. umferð Pepsi-deildarinnar. Leikurinn fer fram á Stjörnuvelli í Garðabæ og hefst kl. 19:15. Fyrir leikinn er Keflavík í 8. sæti deildarinnar með 14 stig en Stjörnumenn í því 4. með 18 stig. Það er því stutt milli liða um miðja deildina og hvert stig mikilvægt. Dómari leiksins verður Þóroddur Hjaltalín Jr. og honum til aðstoðar Oddbergur Eiríksson og Óli Njáll Ingólfsson. Eftirlitsmaður KSÍ verður Ari Þórðarson.
Keflavík og Stjarnan hafa leikið 13 leiki í efstu deild, þann fyrsta árið 1994. Keflavík hefur unnið fimm leiki en Stjarnan þrjá og fimm sinnum hefur orðið jafntefli. Markatalan er 20-17 fyrir Keflavík. Jóhann Birnir Guðmundsson hefur skorað fjögur mörk gegn Stjörnunni í efstu deild, Guðmundur Steinarsson þrjú og Hilmar Geir Eiðsson eitt.
Liðin hafa leikið 4 leiki í B-deildinni, árin 1992 og 2003. Keflavík hefur unnið tvo þessara leikja og Stjarnan einn, einum leik lauk með jafntefli. Markatalan er 8-6 fyrir Keflavík. Einn leikmaður Keflavíkur hefur skorað í leikjum liðanna í næstefstu deild en það er Magnús Þorsteinsson.
Keflavík og Stjarnan hafa einu sinni mæst í bikarkeppni KSÍ en það var árið 2008. Þá vann Keflavík 2-1 á heimavelli í 32 liða úrslitum keppninnar. Magnús Þorsteinsson skoraði fyrir Keflavík í þeim leik.
Fyrr í sumar mættust liðin í fyrstu umferð Pepsi-deildarinnar og þá vann Keflavík 4-2 á heimavelli. Jóhann Birnir Guðmundsson gerði tvö markanna og Guðmundur Steinarsson og Hilmar Geir Eiðsson eitt hvor. Daníel Laxdal og Halldór Orri Björnsson gerðu mörk Sjtörnunnar.
Nokkrir leikmenn hafa leikið með bæði Keflavík og Stjörnunni í gegnum árin, m.a. Adolf Sveinsson, Kristinn Guðbrandsson, Helgi Már Björgvinsson og markmennirnir Bjarki Freyr Guðmundsson og Magnús Þormar.
Úrslit í leikjum Stjörnunnar og Keflavíkur á heimavelli Stjörnumanna hafa orðið þessi:
| 2010 | A-deild |
Stjarnan- Keflavík |
4-0 | |||
| 2009 | A-deild |
Stjarnan- Keflavík |
0-0 | |||
| 2003 | B-deild |
Stjarnan- Keflavík |
1-1 | Scott Ramsay | ||
| 2000 | A-deild |
Stjarnan- Keflavík |
1-1 | Guðmundur Steinarsson | ||
| 1997 | A-deild |
Stjarnan- Keflavík |
1-3 | Gunnar Oddson Jóhann B. Guðmundsson Haukur Ingi Guðnason | ||
| 1996 | A-deild |
Stjarnan- Keflavík |
2-1 | Jóhann B. Guðmundsson | ||
| 1994 | A-deild |
Stjarnan- Keflavík |
1-1 |
Óli Þór Magnússon | ||
| 1992 | B-deild |
Stjarnan- Keflavík |
2-1 | Árni Vilhjálmsson |
